El programa d'español y portugués ofrez un programa nel que la diversidá cultural ibérica ta presente. Esti Departamentu fomenta per un parte'l cine cine catalán non comercial dirixío por muyeres al traviés d'unes xornaes que lleven por nome Catalan Film Festival, onde enselenb la realidá catalana dende los güeyos femeninos. Y non solo eso, sinón que la presencia del asturianu ta asegurada nes sos actividaes.
Esti ye unu de los poemes que se lleeron pel día del llibru de 2014:
Pa otros l’aventura, los viaxes, l’anchor
del océano, Roma ardiendo y les pirámides,
les selves inomables,
la lluz de los desiertos,
los templos y el rostru de la diosa.
Pa ellos rascacielos y ciudaes,
palacios del suañu contra’l tiempu,
la sorrisa de Buda, les torres de Babel,
los acueductos, la industria incesante del home
y los sos afanes. A min dexáime la solombra
difusa del carbayu, la lluz dalgunos díes de seronda,
la música callada de la nieve, el so cayer incesante
na memoria, dexáime les zreces na boca
cuando nena, la voz de los amigos,
la voz del ríu y esta casa, dalgunos llibros, pocos,
la mio mano dibuxando, a modo,
la curvatura perfecta del to llombu.
Berta Piñán
Participantes nes xornaes
